O’zbekiston mualliflik huquqini himoya qilish respublika agentligi tomonidan fan, adabiyot, san’at asarlarini hamda audio-vizual mahsulotlarni mualliflik huquqlarini himoya qilish yuzasidan sezilarli ishlarni amalgam oshirilmoqda. Agentlik O’zbekiston Respublikasi Bosh prokuraturasi, Davlat Soliq qo’mitasi, IIB, Davlat Bojxona qo’mitasi va boshqa vakolatli tashkilotlar bilan birgalikda kontrafakt mahsulotlarni aniqlash va yo’q qilishda birmuncha samarali ishlarni amalga oshirmoqda. Ana shunday amaliy hamkorlik natijasida reydlar va o`rganishlar vaqtida kontrafakt  disk sifatida vaqtincha  olib qo`yilgan mahsulotlar xulosa olish uchun  O’zbekiston mualliflik huquqini himoya qilish respublika agentligiga topshiriladi.

2010 yilda Agentlik tomonidan 159 296 dona kontrafakt disklarga 151 dona xulosa berilgan. Ularning barchasi mualliflik huquqi buzilgan holda ishlab chiqarilganligi tasdiqlangan.
Mamlakatimiz intellektual mulkni himoya qilish yuzasidan bir qator xalqaro tashkilotlar va konvensiyalarga a’zo bo’lgan. Butunjahon Intellektual Mulk Tashkiloti (BIMT), Bern Konvensiasi ana shular jumlasidandir. Mualliflik huquqiga oid barcha masalalar  bo’yicha  davlatimiz ular bilan teng va o’zaro hamkorlik tamoyillari asosida qatnashib keladi. Bu sohada boshqa davlatlar bilan ham aloqalar o’rnatilgan.
Yurtimiz intellektual salohiyati nihoyatda yuksak ekan, uni ko’z qorachig’idek asrash barchamizning fuqarolik burchimizdir.       
 Agentlik matbuot xizmati.